|
SubscriptionsSites I Read
|
|
|
|
| 心情不好
不知從何說起,亦不知如何解決
明明難得可以遲些起床, 偏偏今天很早自己醒了
輾轉一輪還是睡不著就起了身看電視
之後再開開電腦就回校
雖然很累, 傾完 project 還是趕去補習
反正留在家中又會想東想西...
不過正因為趕來趕去... 大半天都沒有吃東西
補完習, 人一放鬆就頭痛了...
突然間好想食甜品...
明天又要傾另一份 project...
| | |
| 不經不覺, 已經出左3個星期醫院喇~
又是 PMH, 感覺都開始麻木了...
某程度上, 連續出左3次之後我都幾喜歡這間醫院^^
只是地點問題, 返A 要0500就要起身, 感覺不太良好!
未出 OBS 之前, 我都有些興趣做 midwife 不過出左labour ward 之後就打消念頭 我發覺自己不太適合在一個比較 stressful 環境長期工作 就好似我一直覺得自己不適合在 AED 做一樣... 我知其他 wards 都會 stress, 但始終程度不同 以我能力, 我只可應付這些... 不過我好喜歡 postnatal ward, 特別是 nursery ...^^ 因為可以見到好多 BB, 又可以餵佢們, 又可以同佢沖涼 甚麼國籍的 BB 都有,好得意啊!  好開心!^^ 而且我終於搵到在醫院有個地方是好溫暖的!!^^ 我對手總算接近正常溫度! 
下年 paedi 如果派到其他醫院我試下當然好
但即使再派返 PMH, 我想我也不會有太大反應~^^
| | |
| 哭了...
但我相信一切會變好
無論跌得有幾傷, 我都相信人是可以站起來
這是人的本能
我相信雨後會有彩虹
我相信無論路有多難行, 都會行得過
我相信難過的終止會是美好的開始
一定做到的! 不要令我失望! | | |
| 同朋友傾到3點多, 到睡著應該4點
8點起身同媽咪去瑪嘉烈覆診
在美孚坐小巴上醫院途中, 向媽咪介紹那護士宿舍和工作情景
突然煞車, 因為我無用安全帶, 我半個人都衝了前
媽咪亦本能地捉住了我...
原來是一位把眼睛放在家裡的青年人衝出馬路...
車上所有人和那青年人都沒有受傷
但受到很大驚嚇!
那司機姐姐更是破口大罵, 而且她亦嚇到需要把車子停靠一旁定神
今日覆診人數奇多
等登記, 等叫名, 等見醫生, 等排期+俾錢, 等拎藥...
唔知係咪睡眠不足, 有d 瞌睡, 所以有點發呆
竟被誤為康復者! 
回到家, 太眼訓
上了網30mins 就不支倒在床上睡覺!
miss 了兩個電話, 太想睡了,對不起
但朋友媽媽的電話叫醒了我
睡得朦朧, 一開始還以為是小朋友媽媽打來叫我不用補習
還有一點興奮, 但談了幾句就感到不對勁
朋友媽媽可能也覺得我語無倫次, 再表明身份我才醒過來
原來想找我幫忙 
| | |
| 今年o既暑期工係補習^^
星期5 (22/5) 小朋友學校放假...所以早上去了補習
呢日係被氣死又好笑的一天!
小朋友又沒有做補充練習
我要佢即堂做, 只有3頁的練習, 佢用了大半小時都只做了一頁
我幾乎整篇 comprehension 解了一次兼圈埋 key words...
我望望鐘, 太不對勁了, 我唯有同佢一齊做埋o個兩頁
其實佢唔係唔識...係懶! 我俾了錦囊佢, 佢係識解識做的!
到做完整篇練習, 已經用了差不多個半鐘!
我 : 雖然你今次錯少過5題, 但無貼紙, 知唔知點解?
小朋友: 我知...因為我唔乖
我: (算你幾坦白) 除此之外, 你呢個練習差唔多係我做咁...
小朋友: 嘻嘻... (10個無奈)
我都有問佢點解今日狀態咁差, 佢話今朝好早起身影證件相
所以我都放了3分鐘小休
之後我再俾埋我做o既工作紙佢做, 佢又一拎起無耐就話唔識
我呢個時候都開始嬲喇...
我收起我o既嬉皮笑臉
我: 你次次睇都唔睇題目就話唔識, 又唔諗下, 你咁樣我就算出 a for 咩你都唔識啦
我: 如果你真係睇完唔識, 我可以俾錦囊你, 我一定會教你
小朋友聽完乖乖坐好做, 結果佢只用了我兩個錦囊就做完, 成績都ok... 37/45
我: 你睇! 我只俾左兩次貼士, 你都可以做o岩咁多, 證明你做到啦!
小朋友: 嘻嘻... (10萬無奈)
小朋友似乎亦都知我嬲了, 立即"撒 lum"
小朋友: 嘻...唔好嬲啦, 食粟米啦, (立即走入廚房)
(傭人去了街市, 佢擔任了招待o既角色)
隨後又放了兩支蘆薈汁去我袋
我立即說: 嘩! 不用喇, 你將屋企可以放入口o既都分o的俾我, 太客氣嘛, 況且, 我幫你補習有收錢架,傻瓜^^
說說笑笑, 我忘了嬲佢喇^^
之後繼續補習, 襯佢不發覺, 我拿回一支出來
補多大半小時 grammer 就放學, 我亦超時 20mins, 不過佢之前俾左太多野我...o個20mins 我送俾佢啦
點知走時俾佢發現那支蘆薈汁, 佢拖鞋都無著就衝出來
小朋友: 姐姐, 你漏了喇...
我亦因為佢衝出黎o既情景嚇一嚇之餘仲覺得好好笑!
| | |
|
